“Yaşıl dünya naminə həmrəylik ili” çərçivəsində “Şahdağ” Turizm Mərkəzi və Bakı Gənclər Mərkəzinin birgə təşəbbüsü ilə “Şahdağ”da ağacəkmə aksiyası keçirilib.

Aksiya çərçivəsində ərazinin yaşıllaşdırılması məqsədi ilə 50-dən artıq şam ağacı əkilib.

Aksiyanın keçirilməsində məqsəd ağac əkməklə ekoloji tarazlığın bərpasına, ətraf mühitin qorunmasına dəstək göstərmək, eyni zamanda atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltməkdir.